🍃🌾🍃🌾🍃🌾🍃
وفـاؤں کی نئی تاریـخ
🍂🍃🍂🍃🍂🍃🍂
داستانِ شبِ ہجرت
اشعـار ڪي زباني
بمـوقـعه یـوم وصـال حضـرت سیـدنا ابوبڪر صديق رضئ الله تعالٰي عنه ....
🍂🍃🌹🍂🍃🌹🍂🍃🌹🍂🍃🌹🍃
سِکھاےبارگاہِ مصطفٰی کےپیچ وخَم تونے
دیا اہل محبت کوصداقت کا عَلَم تو نے
🍂🌿🍂🌿🍂🌿
ترےدستور،اےصدیق اکبر مٹ نہیں سکتے
کہ بخشےراہ ایماں کو حسیں نقش قدم تونے
🍂🌿🍂🌿🍂🌿
شب ہجرت،نبی کےساتھ غارِثورمیں جا کر
پہاڑوں میں بنایا ہے محبت کا حرم تو نے
🍂🌿🍂🌿🍂🌿
لگاکر پُرخطرسوراخ میں اپنے انگوٹھے کو
وفـاؤں کی نئ تاریخ کرڈالی رَقَم تو نے
🍂🌿🍂🌿🍂🌿
نبی کاسر،تری آغوش میں تھا، واہ کیا کہنا
شہا ! کیاخوب پائ قربتِ خیر الامم تو نے
🍂🌿🍂🌿🍂🌿
ترےآنسورخِ سرکارکو چھو کربنےگوہر
بدل ڈالے گُلِ راحت سے اپنے خارِ غم تونے
🍂🌿🍂🌿🍂🌿
نبی کی قربتیں تھیں اور "لَاتَحْزَن" کا نغمہ تھا
گذارےغار میں لمحات کتنے محترم تونے
🍂🌿🍂🌿🍂🌿
توپروانہ صفت، شمعِ نبوّت پرمچلتاتھا
طوافِ عشق فرمایا، مسلسل دمبدم تونے
🍂🌿🍂🌿🍂🌿
نبی کاعکس، تیرے پیکر جاں میں اُتر آیا
محبت میں محبت کوکیا کچھ ایسےضَم تونے
🌿🍂🌿🍂🌿🍂
ترےایثار پراہلِ وفاحیرت میں ڈوبے ہیں
کہ جاں پرکھیل کر،رکھّا محبت کابَھرَم تونے
🍂🌿🍂🌿🍂🌿
ہراک طوفانِ باطل سے وفائیں لڑگئیں تیری
نبھایادوستی کاحق زمانے سے اَتَم تو نے
🍂🌿🍂🌿🍂🌿
نبی کےعشق میں تو آگ کے دریا سے بھی گزرا
مگرباطل کےآگےسرکیا ہرگز نہ خَم تونے
🍂🌿🍂🌿🍂🌿
سخاوت کاہنرسیکھے،ترے کردار سے دنیا
لُٹائےمصطفیٰ پر، جان ودل،جاہ وحَشَم تو نے
🍂🌿🍂🌿🍂🌿
متاعِ قلب وجاں، دستِ نبی میں سونپ کر اپنی
رضاےمصطفٰی کوکرلیا اپنا حَکَم تونے
🍂🌿🍂🌿🍂🌿
رہےگی یاد،اےصدیق اکبر تیری قربانی
گلستانِ وفاکو،کردیا رشک اِرَم تونے
🍂🌿🍂🌿🍂🌿
نبی کےبعد، پیداکی گئ تھیں شورشیں لیکن
کچل ڈالےبڑی ہمت سے، فتنوں کے صنم تونے
🍂🌿🍂🌿🍂🌿
مرےاشعارکےدریامیں، سچائ کی موجیں ہیں
فریدی کودیاہے،حق بیانی کا قلم تونے
🌟🍂🌟🍂🌟🍂🌟
*For More Join us On Telegram*
https://t.me/faizanehuzoortajushshariah
از محمد سلمان رضا فریدی صدیقی مصباحی، بارہ بنکوی، نوری مسجد، مسقط عمان
